Vorschau nächste Termine

Wichtige Mitteilung:

Das Jugilager 2018 findet in Appenzell vom 15.-21. Juli statt.

Anmeldung Jugilager

Skiweekend TVN

21.01.2018 pg. D’Männer si scho am Fritig am Morge in Saas Grund ahcho, 
wägä gschlossenä Bahnä hei si e paar Kaffi Schnaps gno. 
Am Nomitag si denn d Bahne endlich gluffä 
und zobe si denn au no d Fraue ihtroffä.
 
Vom z’Nachtässä wei mir jetzt nid gross redä,
öbis gässä het uf jede Fall jedä.
 
Chum simer im Platzhirsch ahcho,
hets dr Buggi und dr Mike nit chönnä unterloh,
ah dr Stangä umä z’schwingä,
und angeri zum Lachä z’bringä.
 
Diä Erste hei sich denn ufe Heiwäg gmacht 
und dr Buggi het sich is Füstli glacht,
denn dr Beat het fürs Zimmer kei Schlüssel gfundä,
dr Buggi het sich denn doch no überwundä,
het d’Melanie denn gfrogt 
und denn d'Party witer grockt.
D’Melanie het das Problem denn ganz schnell glöst
und dr Beat wird endlich vo sim Wartä erlöst.
 
Am Samstig am Morgä si alli uf d Ski 
au bi nid so perfektem Wätter si trotzdäm alli derbi.
Nacheme guede z’Mittagässä,
het meh denn s Skifahre chönnä vergässä.
Es het immer wie meh zue gmacht 
und mir hei eus uf d’Talabfahrt gmacht.
Wiä jedes Johr isch bi de Männer ä Rennä entstandä,
doch es si alli gued in dr Tipibar glandä.
 
S‘Paddel het den bstellt eh Holdrio ä, 
si het aber öbis anders wellä, as das wo si het becho.
Ebiz spöter hei die junge Turnerinnä scho dr Spagat chönnä,
doch das hei ihnä nid alli mögä gönnä,
hälfä het eus wellä ä junge Mah 
doch mir heis glich lustig gha.
 
Nachem Duschä und nachem z’Nacht 
het sich eh chlises Grüppli wiedr ufe Wäg für in Platzhirsch gmacht.
Dr Räscht isch denn nacheme Absacker gli go pfusä,
die anderä 4 si aber richtig cho ins schnuffä,
denn es isch e hitzigi Döggelirundi entstandä,
und es si in beidne Goal immer wiedr Bäll glandä.
Meh het denn no wellä ä Video nochestellä,
aber het denn schnell miessä erkennä,
dass meh no sehr viel miessti iebä 
und hets drum ufe sunntig miessä verschiebä.
 
Am Sunntig am Morgä het meh sich uf d Heifahrt gmacht, 
doch mir hei alli z‘frieh glacht, 
denn dr Goppästei isch zue,
fertig isches gsi mit dr Rueh.
 
A dr Raststätt het meh denn no öbis wellä postä 
und s‘Isabelle het reklamiert wege dä Kostä.
Sie frogt, wieso dass den nid goht, 
doch s‘Problem isch, dass diä Damä kei Dütsch verstoht. 
 
Endlich in Nunnigä ihtroffä, 
hei mir im Frohsinn no es Zmittag gnossä.
 
Ä Gruppefoti chönnä mr leider nid presentierä, 
will mir eifach z viel Lüt gsi si, womä uf eim Bild hät miessä arangierä. 
 
Ä grossä Dank möchte mir a Buggi richtä
und jetzt hörä mir uf mit dichtä.

Sponsorenauswahl

Papillon
Arbacasa
Frohsinn
Schwarzbuebe-Garage AG
Holzherr Muldenservice
Cablecom
g3-architektur
Raiffeisen
Volonte